توقعات الابراج اليوم السبت 04 ابريل 2020 ماغي فرح
2020/04/04
 
267

كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم

القمر بكمل بالأسد وساعة 9:15 لمسا بينتقل لبرج العذراء ترابي..

توقعات برج الحمل اليوم السبت 04 ابريل 2020 ماغي فرح

 

الحمل

مهنياً:بنهارك افضل طاقة وحظ وعاطفة والمسا بتشغلك صحتك او صحة حدا بعيلتك.. تطورات مهمة وفرصة بشغلك .. استغل نهارك لتنجز اعمالك وتخلص ضروري عندك والحظ بساعدك لبعد ضهر انت لازم تقوي مهاراتك وتبذل جهد وتباع اساليب جديدة و حلول اكثر فاعلية وعلاقات ومال بيشغلك .. عم تكون مضغوط بعد ضهر وامور وقصص عائلية عندك بدك تخلصا وما عم تلحق .. استغل يومك باجواء حلوة وسهرة مميزة واتصالات مهمة ..

عاطفياً:بنهارك افضل تطورات حلوة بعلاقتك واتصالات ووممكن ارتباط عند البعض .. لا تستعجل بشي وكون مرن وحكيم وبلاخص طلبات كترت فحاول تهدي الوضع وتعطي فرصة لتتوضح الامور قدامك وتحافظ على علاقتك لانو في متغيرات بعد ضهر فحاول تهدي ونتبه من سوء تفاهم المسا ...

صحياً:ممكن تحقق شي ايجابي على هذا الصعيد وتحسن صحي ناطرك والبعض بدي ياك تنتبه على مشاكل صحتك او صحة حدا بعيلتك ..

  • غنيتكاليوم:انا مش بعتب عليك...هاني شاكر

للمزيد من المعلومات إضغط هنا

 

توقعات برج الثور اليوم السبت 04 ابريل 2020 ماغي فرح

الثور

مهنياً:قصص عائلية بتشغلك بنهارك والمسا اجواء عاطفية حلوة .. روق بنهارك بس وهدي حالك وكلشي رح يكون منيح وحاول تنتبه لبعض القصص او سوء تفاهم بنهارك وبلاخص بالعيلة وبعد ضهر امورك بتبلش تتحسن ومال ممكن عم تفكر في وممكن تقبض ومصاريف عم تزيد وشغل ممكن تدرسو هالفترة .. طاقتك افضل وتدريجي بتتحسن اوضاعك وشغل او تسوية وتحسن بعض العلاقات بشكل مفاجئ .. المسا اجواء حلوة وسهرة واتصال وخبر حلو وقصة اطفال او انجاب ..

عاطفياً:يوم مميز جذاب وساحر بتكون عم تتلقى وعود وفترة الحب عم يطور عندك وبتحس بتحسن واجواء اكتر ايجابية .. فرصة ليرجع حب قديم واذا مو مرتبط عندك فرصة كبيرة هاليومين .. وتواصل مع شخص غالي وتطورات رومنسية قد تكون في طريقها اليك وعم تنشط على مواقع تواصل وتعارف وتطور بالعلاقات ..

صحياً:لازم تروح عن نفسك وتبتعد عن ضغوط بالبيت ولا تخلي الاحباط والهموم تأثر عليك ..

  • غنيتكاليوم:لو كنت غالي...هاني شاكر

 

توقعات برج الجوزاء اليوم السبت 04 ابريل 2020 ماغي فرح

 

الجوزاء

مهنياً:حلول بنهارك ولمسا قصص عائلية او منزل بتشغلك .. امورك منيحة عم تقدر تعمل لبدك ياه بنهارك وعم يكون في حركة واتصالات ولمة مع ناس بتحبن .. بس بعد ضهر مشكلة طارئة ممكن تكون ببيتك ونتبه من كلامك ونقاشاتك حتى ماتكبر القصص واي شي بخص العقارات فيك تحسمو .. ونتبه من القصص المهنية قديمة تعود ع الواجه لهيك بدي منك تستغل نهارك اذا عندك قصة بيع وشراء .. ممكن عم تفكر بسفر بشكل كبير وعم يشغلك بس بعدو مأجل ضبلي ايدك على مصاريفك المالية وممكن تقبض مال او تدفع مال على احد افراد عيلتك ..

عاطفياً:عم تتدايق من تصرفات شريك ومن اهماله المتكرر لك لا تقدم على اي قرار مو محسوب حسابو وحاول تتراجع او تتنازل حتى تستقر امورك نحو الافضل رغم انو ماعم يقدر ظرف تبعك بس بدنا نهدي اليوم .. البعض عندو اتصالات وتواصل اكتر بس خفف شك وغيرة ولافكار الي عم تراودك ..

صحياً:نتبهلي حدا يأثر فيك او يدفعك لوضع عصبي وممكن يوقعك بأخطاء نتبه عل صحتك من هاشي وممكن صحة حدا من أهلك تشغلك ..

  • غنيتكاليوم:لو .. اليسا

 

توقعات برج السرطان اليوم السبت 04 ابريل 2020 ماغي فرح

 

السرطان

مهنياً:يوم حلو على صعيد العلاقات بيشغلك المال والمسا تاجيل لسفر او لقاء واتصالات واتفاق .. نشيط وحرك بيومك اتصالات بتكتر وناس بتزيد وبتحس بمحبة البعض الك يوم مدعوم لتوصل وتنجح وبتخلص المهم وضروري بكير ..نجاح وتفوق وممكن امور مالية بحاجة لترتيب او عم تناقش بشي بخص المال وممكن تاجيل لسفر او قصص عقارية .. نتقلات قصيرة بس نتبه من الحوادث وفيك تعمل لمة وسهرة او عزيمة ..

عاطفياً:مهما صار عراقيل بهاليوم او صعوبات سببت لك شوية ضغط لا تخاف نتبهلي لمعاملتك مع الشريك وكلشي بكون منيح وفي شي مهم وخبر حلو بيومك وفرصة اتصالات طويلة وممكن شريك قديم ع البال او يرجع يتواصل ...

صحياً:بحاجة للعمل وتغير جو وتطلع وتتحرك وتفكر ترفه عن نفسك مع ناس بتحبا ..

  • غنيتكاليوم:ألا دموعك أنتا..هاني شاكر

 

توقعات برج الاسد اليوم السبت 04 ابريل 2020 ماغي فرح

 

الأسد

مهنياً:نهارك مميز والمسا عم تحس بالوحدة ومال بيشغلك .. يوم مهم وكتير في تحسن بعلاقاتك وبتزيد من جاذبيتك وشعبيتك وعم تكون افضل من قبل عم تستعيد مكانت بعد مافقدتها وثقة بتعود .. وفيك تعمل تنقلات لانو طاقتك ايجابية وممكن اخبار حلوة وممكن تقبض مال وبدك تناقش او تحسب بعض الامور المالية وجهز حالك لشي بخص شغل هالفترة او اختبار .. لمسا شويت ملل او بقيان لحالك فترة قصيرة وكلشي بيرجع وممكن عندك لمة حلوة وقصة مالية وضبلي ايدك ..

عاطفياً:ممكن تقضي هاليوم انت وشريك بلاخص اذا متزوج او خاطب لهيك بدي منك تستغل هاليوم وخلي الامور الاخرى على جنب في اتصالات والاجواء رومنسية ..لمسا شريك مشغول عنك وممكن عم تعاني فتور وبرودة هالفترة لهيك حاول تغير الاجواء ولا تخلي شي يأثر عليك وعلى علاقتك .. حتى البعض في قصص مالية او عائلية مع الشريك بتشغلك ..

صحياً:كتير مهم انك تغير جو برا البيت اليوم وتخفف تعبك وتروح عن نفسك احسن ما تتعرض لوعكة صحية ..

  • غنيتكاليوم:بحسك معي...محمد مجذوب

 

توقعات برج العذراء اليوم السبت 04 ابريل 2020 ماغي فرح

 

العذراء

مهنياً:تنقلات كتيرة وعلاقات وبدك تلحق كلشي بس نتبهلي من سوء تفاهم والمسا جهز حالك لتطورات وسهرة حلوة .. قصة بتشغلك بتخليك مو ع بعضك وعم تكون مضغوط ومسؤوليات ببداية نهارك حاول تهدي لان كتير امور رح تتحسن بعد ضهر وعم تطلع من حالتك تدريجي وبخف ضغط عليك عم تكون متفهم ومنفتح وفي تواصل ولمة مع الاهل والحبايب حاول ترجع طاقتك لتنفذ رغباتك وافكارك ونجاح نشالله بكون حليفك وتطور مهني مالي بعد هاليوم ..

عاطفياً:عم تستوعب الشريك بعد فترة شوي مكركبة عم تتمتع بصبر كبير وعم تستوعب تصرفاته وكلامه ومن الايام الحلوة وبلاخص المسا لتطور علاقتك وتتلقى اخبار منيحة الك وممكن يصير اعجاب عند البعض او يدخل بأرتباط واوقات حلوة بتقضيا بأتصالات وع نت مع الشريك وممكن مع شخص قديم ..

صحياً:نتبهلي على حالك وحسن من نفسيتك مابدي ياك تتعب وحرك حالك ونتبهلي على رقبتك او من نومة غلط هاليومين ..

  • غنيتكاليوم:لو بتحبي ...هاني شاكر

 

 

توقعات برج الميزان اليوم السبت 04 ابريل 2020 ماغي فرح

 

الميزان

مهنياً:اجواء عاطفية بنهارك والمسا نتبه بعلاقاتك الاجتماعية ..أستغل فترة النهار حتى تكون منيح وتخلص الامور ضرورية عندك والحظ بساعدك باي شي بدك ياه وممكن عم يكون في لقاءات وعزيمة كمان وناس جديدة وتعارف .. ونتبه بعد ضهر لاي طارئ ممكن يصير معك وحاول ماكتير تاخد بوعود البعض او ممكن في ناس عم تخذلك او سوء تفاهم مع صديق او مقرب .. وضغط ومسؤوليات بتزيد بعد ضهر ..

عاطفياً:مشغول صبح بقصة وشي بخصك انت وشريك وتواصل عم يكبر او تواصل عبر الانترنت واجواء فيها حميمية وعم تغامر .. المسا ممكن تطور بالوضع او امور طارئة بوضعك العاطفي لا تعتب على حدا مابيستاهلك بلاخص اذا لاهتمام قليل ومافي تحسن واذا بدك ترتبط لاقي حدا يفهم عليك بس يجب عليك الابتعاد عن اي علاقة عم تسبب تعب نفسي وقلة اهتمام ..

صحياً:بعد عن ضغوط بالبيت وشغل وحاول تمارس الرياضة يومياً ونتبهلي على صحتك ولا ضل ضاغط حالك وموسوس..

  • غنيتكاليوم:الله شو بحبك...محمد مجذوب

 

توقعات برج العقرب اليوم السبت 04 ابريل 2020 ماغي فرح

 

العقرب

مهنياً:نتبه لوضعك بنهارك وحاول لا تعمل مشاكل وتكبر اي قصة اذا كانت ضمن شغلك او ببيتك .. وبعد ضهر رح تلاقي طاقة وحركة ولقاءات وممكن عزايم وبتشوف حدا مشتقلوا وبتحبو بهاليوم او كنت ناطرو اتصال ومحادثات بيومك وشعبيتك بتزيد وعم تتحرر من القيود وممكن تنقل قصير واذا عندك شغل حاول تخلصو يوم لتعارف لاصدقاء واذا عندك لمة او سهرة بتكون مميز فيها ..

عاطفياً:جذاب وحليان والعين عليك وبتحس انو كتار بدن ياك ومهتمين فيك .. امورك منيحة وتطور كتير ايجابي بعلاقتك بس ضروري تتخذ قرار بتحسن وضعك العاطفي وممكن فرصة لترتبط اذا أعزب وعم تتطلع من حالة الركود العاطفي تدريجي بلاخص اذا عندك لقاء بكون حلو ومميز والبعض ممكن عندو مغامرة عاطفية او لقاء او اتصال حميمي بعلاقة سرية ..

صحياً:نتبه على صحتك لانو مو ناقصك وعكة جديدة او بما يخص وعكة لاحد افراد عيلتك..

  • غنيتكاليوم:لسه بتسألي...هاني شاكر

 

توقعات برج القوس اليوم السبت 04 ابريل 2020 ماغي فرح

 

القوس

مهنياً:نهارك افضل حلول لمشاكل ونتقل قصير واتصال بعيد والمسا علاقات وقصص بتخص عملك ونتبه لسمعتك .. حاول كتير تستفاد من فترة الصبح عم تكون امورك افضل وبتلاقي انفراج بعض شي وممكن يستجد شي بشغلك او امر طارئ وممكن عم تنطلب من قبل شغلك او وظيفتك ولا تقطع علاقتك مع المسؤولين وكون هادي والبعض عم يفكر بشغل جديد وفي تسوية لشي ممكن يستجد .. بدي منك لا تخالف الاومر بشغلك وخلي ثقتك بحالك كبير وانو قادر تنجح وتوصل رغم العراقيل وضغوط هالفترة ..

عاطفياً:بعض لامور طارئة بالعلاقة تستدعي تغيير المعاملة وتنازل واعادة نظر بوضعك العاطفي وبقراراتك صح الشريك مهمل وما عم يقدر شي حاول تهدي الوضع وتكون متحفظ وتلاقي طريقة منيحة تتعامل فيها احسن ماتوصل لطريق مسدود ..

صحياً:تحسن الوضع المحيط فيك يكون له تداعيات كبيرة وتحسن صحي ونفسي على المدى البعيد ..

  • غنيتكاليوم:وطقي يا حبات توت .. وفيق حبيب

 

 

توقعات برج الجدي اليوم السبت 04 ابريل 2020 ماغي فرح

 

الجدي

مهنياً:مال بيشغلك بنهارك وتنقل وتحرك وبتشوف ناس جديدة او الك زمان ماشفتا .. عم تتخلص من ضغوط صبح ونتبه لاختيارك او لقرارك وحاول تهدي لتكون منيح وامورك بتبلش تتحسن ممكن عم تفكر تسافر هالفترة وبتلاقي تحسن بيومك معارف وناس جديدة وبتتلقى اتصالات كتيرة ومن مكان بعيد وعم تستقطب ناس حولك وبكون عندك فرصة لمة حلوة وعزيمة وممكن مال يجيك اذا ناطرو..

عاطفياً:حاول يكون في حوار بناء ولا تعقد الامور اكتر وحاول تصلح وضعك العاطفي ومن الايام المميزة عندك لتكون منيح بعاطفتك وحبك وممكن ارتباط جديد او اعجاب مبدئي والوضع بيتحسن لا تخاف وللاعزب عندو اتصالات كتير ومنها قديمة او حب عم يكبر وتطورات عاطفية .. واي علاقة مارح تجبلك نتيجة حاول تحسمها وتنهيا ..

صحياً:مشاكل البلعوم برجع بنبهك خفف منبهات وتدخين نتبه على صحتك وهتم فيها وحاول تبتعد عن اي جو صاخب ومشحون ..

  • غنيتكاليوم:انا اعمل ايه...محمد مجذوب

 

توقعات برج الدلو اليوم السبت 04 ابريل 2020 ماغي فرح

 

الدلو

مهنياً:نهارك مضغوط بعلاقات وقصص وبدك تلحق والمسا حلول وسهرة حلوة .. عم تعود قصة ع الواجهة وبحاجة لشغل ودراسة وعم تستحوز على وضعك بدك تروق وتهدي لتعرف كيف تتصرف ونتبه صبح لعلاقاتك لانو كتير في امور لازمها حل عندك ومن بعد ضهر انت بتكون احسن وفي تطور بعد تعب وارهاق لتتخلص من بعض الهموم والمشاكل تحسن بكون نسبي ويوم مساعد لا تعتمد على الحظ بكلشي وفي مصالحات واتصالات وقصص مالية بدا تشغلك ومصاريف وديون وفرصة لشراكة كتير مهم تبحث عن موارد مالية جديدة بهالفترة ..

عاطفياً:حاول لا تخلي حدا يدخل بعلاقتك والحلول تكون بينك وبين الشريك فقط مابنصحك تفكر بشي تاني رغم انك تعبت بعلاقتك وانت محتاج حلول ومحتاج شريك يفهمك ويطلعك من حالة البرودة والعزلة والوحدة الي عم تمر فيا .. لمسا انت افضل واتصالات وتواصل .

صحياً:كل مابتبعد عن ناس ومشاكلها بتلاقين بيلحقوك هاشي كتير عم يتعبك وعم ياثر عليك صحياً لاتخاف بتصير احسن وبترتاح من هيك ناس عم تعبك.

  • غنيتكاليوم:نسيانك صعب اكيد.. هاني شاكر

 

توقعات برج الحوت اليوم السبت 04 ابريل 2020 ماغي فرح

 

الحوت

مهنياً:نهارك مشغول كتير وماحدا عم يقدر وضعك قصص صحية بتشغلك والمسا علاقات وشراكة ..

عندك شغل وضغط ومسؤوليات فهدي هاليوم ليمر نهارك على خير ... عم تتعرض لقصص كتيرة بهاليوم وعم تشكي ردة فعل ناس المحيطة فيك وبلاخص المقربين .. تتعارض الحظوظ بنهارك عم يكون في احتجاج او ممكن مشكلة حاول تكون هادي ببيتك وشغلك ولا تكبر القصص ..المسا ممكن تبلش شي جديد وكتير نتبه بمين عم تحط ثقتك .. وعندك فرصة لتغير جو او عزيمة ..

عاطفياً:عم تعاني وتشكي من الشريك الي ماعم يقدر ولا عم يهتم غيوم سودة تحلق في الافق مع الشريك وضغوط محيطة محتاجه صبر وهدوء وبدي منك تكون سلس ولا تصعب لا تدخل حدا بعلاقتك حتى ماتتاثر وخلي كلام ناس على جنب وبكلمتين حلوين قادر تحل الموضوع لمهم تبعد عن محيطك ..

والبعض يبدو انو شكوك كتير عم تاخد من وقتك شيلا من راسك حتى ماتأثر على علاقتك او اذا متزوج تأثر بجفا او انفصال ..

صحياً:نتبهلي على صحتك اليوم وخفف اكل مقالي او الوجبات التي تحتوي الزيوت فهيا تسبب مشاكل الحلق والمعدة ..

  • غنيتكاليوم:غلطة وندمان عليها..هاني شاكر

 

الاستبيان
من هو أفضل رئيس وزراء بعد 2003؟